Shugaban kasar Sin zai kai ziyarar aiki a kasashen Saudiyya, Masar da Iran daga ranakun 19 zuwa 23 ga watan nan na Janairu, kamar yadda ma'aikatar harkokin wajen Sin ta tabbatar a yau jumm'a.

Ziyarar Shugaba Xi ya biyo bayan gayyatar da Sarkin Saudiya Salman Bin Abdulaziz al-Saud ya mashi ne da kuma shugaban kasar Masar Abdul Fattah al-Sisi sannan da takwaransu na kasar Iran Hassan Rouhani, in ji Lu Kang kakakin ma'aikatar harkokin waje na kasar Sin a ganawarsa da manema labarai.