Ministan watsa labarai na kasar Kamaru Issa Tchiroma Bakary, ya tabbatar da rasuwar mutane a kalla 13, sakamakon wani harim Bam da aka kai a yankin arewa mai nisa na kasar Kamaru.

Bakary wanda ya shaidawa kamfanin dillancin labarai na kasar Sin Xinhua hakan, ya ce lamarin ya auku ne da Asubahin wannan Laraba, a wani masallaci dake kauyen Kouyape, a yankin na arewa mai nisa.

Mayakan kungiyar Boko Haram mai sansani a Najeriya dai sun sha kaddamar da makamancin wannan hari a kasar ta Kamaru.