Kafofin yada labarun yankin sun ce da yammacin wannan rana, wata mace 'yar kunar bakin wake ta tada wani bam dake jikin ta, wanda hakan ya haddasa kisa da jikkatar mutane da dama. Daga bisani 'yan sanda sun isa inda wannan lamari ya auku, an kuma garzaya da wadanda harin ya ritsa da su zuwa asibiti domin samun jiyya. Babu dai wani ko wata kungiya da ta dauki alhakin wannan harin.
Jihar Borno da ke yankin arewa maso gabashin Najeriya dai na shan fama da hare-haren kungiyar Boko Haram wadda ke da sansani a yankin.(Bako)
