Tawagar jakadun kasar Sin masu lura da al'amurran gandun daji za ta ziyarci kasar Kenya cikin wannan mako, a wani bangare na shirin yarjejeniya tsakanin Sin da Afrika kan batun kula da namun daji wato CAWA, shirin wanda asusun tallafawa lafiyar dabbobi na kasa da kasa IFAW ya kaddamar a Litinin din nan.

Tawagar jakadun da ake sa ran za su ziyarci Kenyan, sun hada da JC Decaux China da iFENG.com da Beijing MTR Corporation da Shenzhen Press Group da Fulong Media da kuma DEEP magazine.

Daraktan IFAM na shiyyar arewacin Afrika James Isiche, ya ce yana da kyakkyawar fatar shirin na CAWA zai gina wata gada tsakanin Sin da Afrika wajen hada karfi domin tinkarar batun ceto rayuwar giwaye.

Tawagar wacce za ta shafe mako guda, ana sa ran za ta tattauna da jami'an gwamnatin Kenya da suka hada da na ma'aikatar kare muhalli da albarkatun kasa da na ma'aikatar yawon bude ido da kuma na ma'aikatar kula da gandun daji. (Ahmad)