A yau Litinin 2 ga wata ne shugaban kasar Sin Xi Jinping, ya gudanar da shawarwari tare da takwaransa na kasar Faransa François Hollande a birnin Beijing, inda ya gabatar da shawarwari a fannoni guda uku, domin raya dangantakar dake tsakanin kasashen biyu.

Shugaba Xi ya nuna cewa, ya kamata a nuna amincewa da juna ta fuskar siyasa, da inganta hakikanin hadin kai, da karfafa cudanyar al'adu, kana da gudanar da kokari tare, wajen ciyar da sabuwar dangantakar kasa da kasa gaba. (Bilkisu)