Rahotanni daga Maiuduguri babban birnin jihar Borno dake arewa maso gabashin Nigeriya ya tabbatar da cewar an gano gawawwakin mutane 6 safiyar jumma'ar nan da harin kunar bakin wake ya rutsa da su a wata masallaci.

Kamar yadda hukumar bada agajin gaggawa ta kasar NEMA tayi bayani, harin ya auku ne a wannan masallaci dake unguwar jidari/polo lokacin da jama'a suka shiga sallar asuba.

Majiyar asibitocin yankin sun ce fiye da mutane 17 aka kwantar sakamakon harin da ya rutsa da su.

Fashewar bam din ya rutsa da daya daga cikin wanda ake zargin 'yan kungiyar boko haram ne sauran guda biyu kuma suka tsere lokacin da yan bangar unguwa suka tukaro su bisa zargin da ake na shirya mugun abu, inji wani mazaunin unguwar mai suna Manaseh Adamu.