Shugaban sashen kula da harkokin Asiya da Pasifik na asusun ba da lamuni na duniya(IMF) Rhee Chang-yong a jiya Litinin ya rubuta wani sharhi a shafin yanar gizo na asusun, inda ya yi nuni da cewa, duk da kalubalen da take fuskanta na raguwar saurin ci gaban tattalin arziki, kasar Sin za ta iya cimma burin da ta sanya a gaba na gyaran tattalin arzikinta.

Rhee Chang-yong a sharhinsa ya kara da cewa, duk da cewa harkokin kere-kere da gine-gine sun ragu a kasar Sin, amma jarin da aka zuba a bangaren ababen more rayuwa da kuma harkokin samar da hidimomi na ci gaba da karuwa cikin sauri a kasar, lamarin da ya shaida cewa, kasar Sin za ta iya rage dogaro da kayayyakin da ta ke fitarwa zuwa kasashen waje da kuma jarin da aka zuba mata, don ta gyara tattalin arzikinta ta yadda zai dace da manufofin harkokin saye da sayarwa da samar da hidimomi.(Lubabatu)