A jiya ne shugaban kasar Sin Mr.Xi Jinping da uwargidansa Peng Liyuan suka kai ziyara makarantar sakandare ta Lincoln da ke birnin Tacoma na kasar Amurka, inda suka ziyarci gidan wasannin motsa jiki da kuma ajujuwa na makarantar, kana suka gana da malamai da daliban makarantar.
Mr.Xi Jinping ya kuma gabatar da jawabi a makarantar, inda ya ce, ilmi shi ne kashin bayan ci gaban kowa ce kasa da kuma al'ummarta, kuma lokacin kuruciya shi ne lokaci ne mafi daraja a rayuwar mutum. Don haka, ya yi fatan daliban za su mayar da hankali ga harkokinsu na karatu, don aza harsashi mai inganci ga makomarsu. Ban da haka, ya yi fatan matasa na Sin da na Amurka za su hada kansu, don ciyar da huldar da ke tsakanin kasashen biyu gaba zuwa wani sabon matsayi.(Lubabatu)
