Firaministan kasar Japan Shinzo Abe, ya yi takarar kalaman neman afuwa da tsaffin shugabannin kasar Japan suka gabatar a baya, sai dai bai bayyana na sa neman afuwa ba, game da laifukan da kasar ta Japan ta aikata yayin yakin duniya na biyu.

Cikin jawabin da ya gabatar yayin bikin cika shekaru 70 da kawo karshen yakin duniyar na 2, Abe ya sake nanata neman afuwar tsaffin shugabannin kasar, yana mai cewa sun yi nadamar dukkanin munanan laifukan da Japan din ta aikata. Ya ce neman afuwar da tsaffin shugabannin kasar sa suka gabatarwa duniya, za su ci gaba da wanzuwa a tarihi.

A daya hannun kuma firaministan na Japan ya ce ba za a gadarwa zuriyar kasar dake tafe ci gaba da neman afuwa ba. (Saminu)