'Yan wasa na musamman na kasar Nigeriya a ranar Litinin din nan suka samu yabo daga shugaban kasar Muhammadu Buhari wanda ya jinjina ma irin kokarinsu a wasanin duniya ta musamman da aka kammala kwanan nan a kasar Amurka.

A cikin wata sanarwar da fadar shugaban kasar ta fitar, shugaban ya bayyana nasarar tawagar da wani mai kara kwarin gwiwwa ganin yadda suka lashe kyautuka 71, ciki har da zinarai 34.

Shugaba Muhammadu Buhari ya tabbatar ma 'yan wasan cewa gwamnatin tarayya a daukan 'yan Nigeriya sun yi alfahari da wannan kokari nasu da bajinta a lokacin wasannin wanda suka lashe wadannan lambobin yabo a duk wasanni da suka yi.

Sanarwa wadda kakakin fadar gwamnati Malam Garba Shehu ya sanya ma hannu ta kuma ce shugaban kasar ta Nigeriya ya yi alkawarin cewa da kansa zai karbi tawagar a fadarsa domin taya su murna. (Fatimah)