Yau shirin In Ba Ku Ba Gida yana farin cikin gayyato wata bakuwa mai suna Hajiya Amina Ahmed, wata babbar manaja a otel din Central Hotel dake birnin Kano, otel ne mai dadadden tarihi a arewacin Najeriya. Haka kuma Hajiya Amina ba bakuwa bace a kasar Sin domin ta taba zuwa har sau biyu.

A tattaunawarta da wakilimmu Murtala, ta bayyana tarihin rayuwarta, da tarihin wannan otel din Central Hotel. Kana ta kara wa 'yan uwanta mata musamman Hausawa kwarin gwiwa wajen neman na rufin asiri. Sanin cewa Hajiya Amina ta taba zuwa kasar Sin har sau biyu, yasa a cikin wannan hirar, ta kara yi mana bayani kan ziyararta a wancan lokacin da kuma abubuwan da suka burge ta a kasar. (Kande Gao)