Shugaban kasar Sin Xi Jinping ya gana da takwaransa na kasar India Narendra Modi a birnin Ufa dake kasar Rasha a jiya Laraba 8 ga wata, inda shugaba Xi ya ce, a watan Mayu na bana a birnin Xi'an, ya cimma matsaya guda tare da shugaba Modi, game da inganta dangantakar abokantaka bisa manyan tsare-tsare tsakanin kasashen Sin da India, a wani mataki na karfafa dangantakar abokantaka ta samu bunkasuwa, wanda hakan ya nunawa jama'ar kasashen biyu da ma sauran kasashen duniya cewa, kasashen Sin da India, na hadin gwiwa da samun bunkasuwa tare.

Shugaba Xi ya kara da cewa, a karkashin kokarin bangarorin biyu, yanzu haka ana daukar matakai na cimma matsaya guda da aka daddale tsakaninsu, kana kasashen biyu na inganta hadin gwiwa a fannonin kafa dokoki, da gina hanyoyin jiragen kasa da masana'antu na sana'o'i, da sauran fannoni.

A nasa bangare, firaminista Modi ya ce India na maraba da masana'antun Sin a fannin zuba jari a kasar India. Kana kasarsa na sa ran inganta tuntubar juna da shawarwari bisa manyan tsare-tsare tsakaninsu, don daidaita sabani game da shata iyakokin kasashen biyu. (Bako)