Wasu rahotanni na cewa akalla mutane 14 sun rasa rayukansu, sakamakon fashewar wani abu da ake zaton Bam ne, cikin wata kasuwa dake garin Monguno ta jihar Borno a Arewa maso Gabashin Najeriya.

Wata majiyar hukumar tsaron kasar ta shaidawa kamfanin dillancin labarun kasar Sin Xinhua cewa, baya ga wadanda suka rasa rayukan su a harin na yau Laraba, akwai kuma wasu karin mutane 48 da fashewar ta jikkata.