Mahukuntan kasar Afirka ta Kudu a ranar Lahadi sun yi shiru bisa ga bukatun da kotun hukunta manyan laifuffuka ta duniya da ta gabatar na kama shugaban kasar Sudan Omar al-Bashir da ke ziyarar aiki a kasar.

Kotun ta bukaci Afirka ta kudun da ta kama al-Bashir da zarar ya isa Jahannesburg domin halartar taron kolin kungiyar tarayyar Afirka karo na 25.

An labarta cewa, al-Bashir ya isa Afirka ta kudu a Asabar da dare, amma duk da haka mahukuntan Afirka ta kudu ba su tabbatar da labarin ba.

Kotun na neman kama al-Bashir bisa zargin da take masa na laifuffukan keta hakkin dan Adam.(Lubabatu)