Shugaban kasar Sin Xi Jinping ya yi kira ga jami'ai da kada su yi sanyi a gwiwa wajen aiwatar da gwaje-gwaje a kokarin da ake na zurfafa yin kwaskwarima.

Shugaba Xi yayi wannan kiran ne a yau jumma'a lokacin taro karo na 13 na kungiyar jagoranci na tsakiya akan ayyukan zurfafa kwaskwarima gaba daya, wanda aka kafa a watan Decemer shekara ta 2013 domin tafiyar da ayyukan kwakwarimar kai tsaye.

A lokacin taron shugaba Xi ya jaddada muhimmancin gwaje-gwajen da ake gudanarwa. Ya ce akwai bukatar kara kokarin ganin cewa wadannan gwaje-gwaje an tafiyar da su yadda ya kamata, wanda shi ne mabudin da zai sa sauran kwaskwarimar baki daya ya samu makoma mai kyau.

A wajen taron kungiyar ta amince da tsarin da aka fitar akan kwaskwarimar na kamfanonin mallakar kasa da bangaren shari'a.