Jam'iyyar NCP mai mulki ta kasar Sudan ta ba da wata sanarwa ta hukumar shiga tsakani don yin shawarwari a kasar, inda ta bayyana cewa, nan ba da dadewa ba, za a farfado da shawarwari a kasar, kuma za a tura ministan kula da harkokin cikin gida don ganawa da bangaren 'yan adawa a wata kasar daban, don yin shawarwari wajen kawar da sabanin dake tsakaninsu.

Mamban jam'iyyar NCP, Kamal Omer ya ce, NCP ta sake yin alkawarin yunkurin shawarwari, don aiwatar da yarjejeniyar da aka daddale tsakaninsu. Ganawa da bangaren 'yan adawa a kasar daban ya nuna cewa, gwamnatin ta sassauta kuma tana da sahihiyar zuciya, don haka ya kamata 'yan adawa su yi amfani da wannan dama don shiga cikin yunkurin siyasa. Omer ya kuma jaddada cewa, ba ya fata kasashen waje sun yi shisshigi game da yunkurin shawarwarin ba.

Jam'iyyar adawa RNM tana ganin cewa, yarjejeniyar Addis Ababa da aka daddale tsakanin gwamnatin Sudan da 'yan adawa, za ta kawo sabon kuzari game da shawarwari tsakaninsu.(Bako)