Shugaban kasar Sin Xi Jinping a litinin din nan da rana ya sauka a birnin Islamabad babban birnin kasar Pakistan a ziyarar sa ta farko zuwa kasar da ke kudancin yankin Asiya.

Pakistan dai itace zangon shi na farko a ziyarar sa zuwa kasashen wajen a wannan shekarar. Jiragen sojin sama guda 8 suka raka Jirgin shugaba Xi lokacin da ya shigo sararin samaniyar Pakistan.

A ziyarar tasa ta yini biyu, shugaba Xi zai gana da takwaran sa Mamnoon Hussain, da firaministan kasar Nawaz Sharif da sauran shugabannin kasar tare da al'ummomin wakilan sassan daban daban domin yin tattaunawa mai zurfi game da dangantakar diplomasiya da kuma musayar ra'ayi.(Fatimah Jibril)