A jajebirin taron ministocin kiyaye muhallin kasashen BRICS, mataimakin babban magatakardar MDD, kuma daraktan zartaswa na hukumar tsara shirin kiyaye muhalli ta duniya UNEP, Achim Steine ya ce, yanzu haka kasar Sin na sahun gaba, a shugabancin tsara manyan manufofin amfani da makamashi da ake iya sake amfani da shi, da kuma saka jari a wannan fanni a duniya.

Bisa kididdigar da aka bayar, an ce, yawan jarin da kasashe masu tasowa suka saka a wannan fanni ya karu da kashi 36 cikin 100 a shekarar 2014, har yawan jarin ya kai dalar Amurka biliyan 131.3, inda kasar Sin ta kai matsayin farko a duniya bisa yawan jarinta da ya kai dalar Amurka biliyan 83.3, yayin da kasashen Brazil, da India, da Afrika ta Kudu su ma ke cikin jerin kasashe 10 na farko a duniya. A sa'i daya kuma, yawan jarin da sauran kasashe masu wadata suka saka a wannan fanni ya karu da kashi 3 cikin 100 kacal.

A cewar Mr. Steine, yawan wannan nau'in makamashi ya zama wani muhimmin kashi wajen raya makamashi, da muhimman ababen more rayuwa a kasashe masu tasowa. Makamashi da ake sake amfani da shi na taka muhimmiyar rawa wajen canja salon tattalin arziki na kasashen