An fara zaben shugabancin tarayyar Najeriya tun daga jiya Asabar 28 ga wata, kuma an gama shi lami lafiya a akasarin mazabu a kasar. Amma jiya da yamma, hukumar zabe mai zaman kanta ta Najeriya wato INEC ta sanar da cewa, saboda rashin isassun kayan aiki da kuma matsalar na'urar tantance sahihancin masu kada kuri'a wato Card Reader a turance, za'a kara wa'adin zabe a wasu rumfunan zabe dake kasar a yau Lahadi.

Yaya al'amuran zabe suka gudana jiya? Menene martanin manyan jam'iyyun siyasa biyu wato PDP da APC kan wannan batu? Bari mu tuntubi wakilinmu dake Abuja malam Murtala Zhang.

Shi ma ya hira da wasu masu sauraronmu don jin ra'ayoyinsu kan yadda ake gudanar da zaben, ga hirarsu!