A karon farko, hukumar kula da gidajen waya ta Sin ta fidda kididdiga game da sha'anin aikawa da kaya cikin sauri jiya Alhamis, kididdigar ta bayyana cewa, yawan kudin da aka samu ta hanyar aikawa da kaya cikin sauri a shekarar 2014, ya karu da kashi 70.8 cikin 100 bisa na shekarar 2013.

Kaza lika, daga shekarar 2010 zuwa shekarar 2014, matsakaicin saurin bunkasuwar da sha'anin aikawa da kaya cikin sauri ya samu, ya kai kashi 50.3 cikin 100, adadin da ya ninka har sau 6 bisa na saurin karuwar GDP a daidai lokacin.

A 'yan shekarun nan, sha'anin aikawa da kaya cikin sauri na Sin ya samu habaka cikin hanzari, kuma hidimomin da aka bayar sun samu ingantuwa sosai, kana an kara yalwata hidimomin, don kara kawo sauki ga jama'a a wannan fanni.(Bako)