Sojojin Kasar Kamaru da suke samun taimakon Sojojin kasar Chadi a safiyar ranar laraban nan aka kai masu hari mai karfi daga 'yan kungiyar boko haram na Nigeriya a garin Fotokol wanda ke kan iyaka daga arewacin kasar ta Kamaru, inji wata majiyar soji.

'yan kungiyar dauke da manyan makamai suka afka ma garin na fotokol da sanyin safiyar laraban nan inda suka kai hari a sansanin soji kuma ya zuwa lokacin wannan rahoton sojojin na kokarin maida martani, ba tare da bada adadin wadanda suka mutu ko jikkata ba.

Harin ta kungiyar Boko Haram dai tazo ne kwanaki uku bayan kokarin da tayi na shiga garin ya ci tura, sojojin kasar da hadin gwiwar na Chadi suka fafutuke su.