A yau Talata 2 ga wata ne, hukumar masana'antun kimiyya da fasaha ta tsaron kasar Sin ta shirya taron manema labaru, inda ta shelanta cewa, ya zuwa yanzu kumbon binciken duniyar wata na gwaji na kasar Sin ya cimma dukkan burin da ya sa aka harba shi, wannan ya alamta cewa, kasar Sin ta samu fasahar yadda kumbo zai sauka a duniyar wata cikin sauri ta wata hanya mafi sauki.

A ran 24 ga watan Oktoba na bana ne aka harba wannan kumbon gwaji a cibiyar harba taurarin dan Adam dake Xichang na kasar Sin, daga bisani ya kama hanyar zuwa duniyar wata. Daga karshe dai, kumbon ya dawo kuma ya sauka a wurin da aka tsara kamar yadda ake fata a ran 1 ga watan Nuwamba. Wannan ya nuna cewa, an samu nasarar wannan gwaji matuka.

Bisa shirin da aka tsara, ya zuwa shekarar 2017, kasar Sin za ta harba wani kumbo samfurin Chang'e mai lamba 5 maras matuki zuwa duniyar wata, sannan zai dawo duniyarmu da samfurin da ya samo a duniyar wata. (Sanusi Chen)