Mai Magana da yawun 'yan sandan kasar, Frank Mba ya shaida wa manema labarai a wurin da lamarin ya faru cewa,mutane 60 da suka samu rauni na samun kulawa a asibitoci daban-daban da ke Abuja.
Ya ce ana nan ana gudanar da bincike game da musabbabin fashewar da rahotannin baya suka ce ta yi sanadiyar mutuwar a kalla mutane 9.
Wani wanda lamarin ya faru a kan idonsa ya ce wata mota ce kirar Volkswagen wadda aka ajiye ta a karshen hanyar Keffi ta tarwatse a kimanin nisan mitoci 50 daga inda aka kai harin ranar 14 ga watan Afrilu,lamarin da ya haddasa mutuwar sama da mutane 75 kana wasu 124 suka jikkata.(Ibrahim)
