Mai rikon mukamin ministan sufurin kasar Malaysia Hishammuddin Hussien ya bayyana a ranar Talata cewa,za a tantance sahihancin wani rahoto da ke nuna cewa, an gano wani bangare na jirgin saman kasar da ya yi baton dabo a zirin Bengal.

Wani kamfanin binciken jiragen ruwa da ke Australia, ya ce mai yiwuwa ya gano baraguzan jirgin saman kasar ta Malaysia sanfurin MH370 a zirin Bengal, kimanin kilomita 5,000 arewa daga wurin da a halin yanzu ake gudanar da aikin gano jirgin da ya bace a ranar 5 ga watan Maris dauke da fasinjoji 239.(Ibrahim)