A 'yan kwanakin baya ne gwamnatin jihar Legas dake tarayyar Najeriya, ta kaddamar da wani shirin kiyaye muhalli, ta hanyar sarrafa shara zuwa iskar gas ta methane.

Mahukuntan jihar dai sun dauki wannan mataki ne, da nufin kyautata muhalli, da bunkasa biranen jihar da kuma sassauta matsalar karancin makamashi.

Olusosun, cibiyar shara ce mafi girma a Legas, wadda ke fitar da sinadarai masu yawa da ake sarrafawa, tare kuma da canza su zuwa iskar gas ta methane.

Da fari a kan tattara bolar ne a kai ta wurin sarrafawa, daga nan kuma a samar da wutar lantarki ta amfani da isakar ta methane ga mazauna wurin. An ce dagwalon da ake fitarwa ma wajen tashe bolar ana amfani da shi ga shuke-shuke.

Bayan samun nasarar wannan shiri a matakin gwaji, yanzu haka ana fadada shi a sassan jihar ta Legas daban daban. (Bilkisu)