in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Bayani kan kabilar Yugur
2013-12-23 16:19:19 cri


'Yan Yugur sun samo asali daga kabilar Huihe, makiyaya ne dake kiwon dabbobinsu a tsawon ruwan tafkin Erhui a zamanin daular Tang a shekarar (618 zuwa 907) kafin haifuwar Annabi Isa. A tsakiyar karni na tara, bayan da bala'un daga indallahi da suka rutsa da gungun mutanen wannan kabila, da kuma fama da hare haren wasu kabilu, wani gungun 'yan kabilar Huihe ya kaura zuwa yankunan Dunhuang, Zhangye da kuma Wuwei, da filayen noma dake yankunan tsakiya da yammacin gundumar Gansu. Bisa sauye sauyen zamani, an samu wani sabon rukunin kabilar ta Yugur.

Haka kuma tarihi ya nuna cewa, yawancin 'yan kabilar Yugur suna da sunaye iri daban daban a lokacin kamar Huangfan, da Xifan da sauransu.

A shekarar 1953, bayan tattaunawa kan kananan kabilu ne aka tsai da sunan da karamar kabila ta Yugur dake ma'anar arziki da zaman lafiya.

Kiwon dabbobi ita ce babbar sana'ar 'yan kabilar Yugur, koda yake wasunsu sun juya zuwa ga aikin noma. Yankin ya kasance wurin noma da masana'antun dake sarrafa albarkatun kiwo. Haka kuma ana samun ma'adinan kwale, kana al'adar shan sayi da madara ta kasance muhimman abu ga zaman rayuwar yau da kullum ta mutanen wurin.

Bisa ga bayanan tarihi, kabilar Yugur na magana da yare guda uku, 'yan kabilar Yugur dake yankunan yamma masu cin gashin kansu na amfani da yaren Raohul; Sannan akwai yaren Engle da yawancin mutanen yankin gabashi ke amfani da shi, sai kuma harshen sinanci da 'yan kabilar Yugur dake yankin Huangnibao suke magana da shi.

Harsunan 'yan kabilar basu da bakaken kansu, bakaken harshen sinanci ne suke amfani dasu wajen rubutu a wadannan yankuna.

A shirin mu na wannan mako, za mu je da ku gundumar Sunan da ke lardin Gansu, don mu samu fahimtar yadda ake kare al'adun gargajiya na kabilar Yugur.(Lubabatu)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China