131213-karamar-kabilar-Yugu-ta-kasar-Sin-Danladi

Kasar Sin a dunkule tana kunshe kabilu 56, kuma daga cikinsu 55 ana kiransu da kananan kabilu idan aka kwantantasu da kabilar Han data fi yawan rinjaye. Gwamnatin kasar Sin tana mai da hankali sosai kan kare ikon kananan kabilu daga dukkan fannoni. A cikin irin wannan manufa ce gwamnatin kasar Sin take maida hankali sosai wajen kare wata karamar kabila wato kabilar Yugu. Ita dai kabilar Yugu ta kasance daya daga cikin kananan kabilun kasar Sin da ba tada yawan jama'a a kasar Sin domin duka duka yawan jama'ar wannan kabilar ta Yugu na dubu 13 da dari 7 kawai, kuma ana samun wannan kabila a lardin Gansu da ke yammacin kasar Sin.

Jama'ar Yugu tana amfani da harsuna guda biyu, wato harshen yamma, da harshen gabas, kuma abun mamaki wadanan harsuna biyu ba su da kalmomi. Dalilin haka ne bisa matakin kare harsunan kabilar Yugu, ma'aikatar al'adu ta kasar Sin, da kwamitin da ke kula da harkokin kabilu na kasar Sin suka kuduri anniyar maida harsunan Yugu bisa wani matakin ayyuka na kare sunayen harsunan kananan kabilu da aka amafani dasu a duk kasar Sin, hukumomin da abin ya shafa sun gudanar da ayyuka masu yawan gaske don kare harsunan Yugu.

'Yan kabilar Yugu suna ba da gaskiya ga rukunin Gelug na addinin Buddah na Tibet, kasar Sin tana kare ayyukan addinin da 'yan kabilar Yugu suke bi, a gundumar Sunan da 'yan kabilar Yugu suke zama, ana iya samun gidanjen ibada da wuraren karatun litattafan addini, lamarin dake bayyana 'yancin 'yan kabilar Yugu na gudanar da addininsu yadda ya kamata.(Danladi)