An kira taron kolin kasa da kasa karo na 4 na yankin Great Lakes a jiya Talata 12 ga wata a birnin Bujumbura hedkwatar kasar Burundi. Shugabannin mambobin kasashe 12 za su tattauna kan matakin da za a dauka wajen tinkarar matsalar tsaro da ake fuskanta.

Shugaban kasar Burundi Pierre Nkurunziza ya ce, yana fatan kasashen da ke yankin na Great Lakes, za su fito da wata shawara mai kyau ta hanyar tattaunawa yayin taron don warware matsalar tsaro.

Sakantaren taron Puluosipo Higiro ya furta cewa, wasu mambobin kasashe na matukar fuskantar matsalar tsaro, musamman ma a gabashin Kongon Kinshasa, Afrika ta tsakiya da Sudan. (Amina)