Rundunar sojoji a jihar Yobe dake arewa maso gabashin tarayyar Najeriya ta sanar da kafa dokar-hana-fita ta tsawon sa'o'i 24 a duk fadin jihar, biyo bayan artabun da aka yi tsakanin jami'an tsaro da wasu 'yan bindiga a jiya ranar Alhamis da dare.

Wannan bayanin na kunshe ne cikin wata sanarwa mai dauke da sanya hannun kakakin Bataliya ta uku dake gudanar da ayyuka na musamman dake Damaturu, babban birnin jihar Yobe, wato Kyaftin Eli Lazarus.

Ya ce, an sanya dokar-hana-fita ta tsawon sa'o'i 24 ne a baki dayan jihar Yobe ba tare da wani bata lokaci ba.(Murtala)