131012-labarin-gimbiyar-dawisu-Lubabatu

Kasar Sin kasa ce da ke da kabilu da dama, kabilun da yawansu ya kai 56, kuma kabilar Dai na daya daga cikinsu. Kabilar Dai kabila ce da akasarinsu ke da zama a lardin Yunnan da ke kudu maso yammacin kasar Sin. 'Yan kabilar Dai sun kasance mutanen dake da kwarewa ta fannonin ilmin kalanda, magani da kuma wakoki. Baya ga haka, 'yan kabilar Dai sun shahara sosai wajen raye raye, musamamn irin raye-rayen da suke kwaikwayon tsuntsun dawisu.

Irin rawar da ake kira rawar dawisu rawar gargajiya ce ta kabilar Dai. Bisa ga al'adar kabilar Dai, dawisu tsuntsu ne da ke kawo albarka da alheri. Amma a game da asalin rawar, akwai wata almara da ke nuna cewa, a shekaru sama da dubu da suka wuce, wani babban jagoran kabilar Dai ya kwaikwayi yadda dawisu ke tsayawa da kuma tafiya, har ya kirkiro rawar dawisu ta ainihi. Daga bisani, 'yan kabilar sun yi ta kara kyautata rawar, kuma rawar dawisu ta kara samun farin jini sosai ga 'yan kabilar. A lokacin bukukuwa, 'yan kabilar Dai su kan taru, su buga gangunansu na gargajiya da suke kira kafafuwan giwa (bisa ga sifar gangunan), kuma su fara raye-rayen dawisu.

shirinmu na yau zai ajiye kayansa kan wata 'yar rawa da ta sadaukar da rayuwarta ga rawar dawisu, wadda ake mata kirarin gimbiyar dawisu.