Ma'aikatar kiwon lafiya ta kasar Masar ta fitar da adadin dake hannunta wanda ke nuna cewa a kalla mutane 525 ne ake da tabbacin sun rasa rayukansu, wadansu 3717 kuma suka ji rauni a sassa daban daban na kasar Masar.
Hakan kuwa ya biyo arangama da magoya bayan hambararren shugaban kasar Mohammed Morsy suka yi da kuma jami'an tsaro, sakamakon cika wa'adin da gwamnati ta bayar cewa duk masu zanga zanga dake bisa tituna su waste daga manyan sansanoni biyu da masu zanga zanga suka yi gangami a Alkahira da kuma Giza. (Fatimah Jibril)
