Wakilin din-din-din na kasar Ruwanda a MDD Eugene-Richard Gasana ya karbi ragamar shugabancin ne daga Vitaly Churkin, jakadan kasar Rasha a MDD wanda shi ne shugaban kwamitin na watan Maris.
Kasar Ruwanda ta shiga kwamitin tsaron MDD ne ran 1 ga watan Janairun 2013 a matsayin mamba wacce ba ta din-din-din ba, na tsawon shekaru biyu inda wa'adin zai kare a watan disamban 2014.
Ta yi aiki a baya a wannan kwamiti cikin shekarun 1994-1995, lokacin da kasar ta fuskanci kisan gillar kabilanci inda aka hallaka mutane sama da miliyan daya. (Lami Ali)
