A kwanan baya, an taba kwantar da Mandela a asibiti a lokuta da dama don masa jiyya ko duba lafiyarsa, inda lamarin ya janyo hankulan jama'ar kasar sosai saboda damuwa da suke yi da lafiyar jikin tsohon shugabansu.
Cikin wata sanarwar da fadar shugaban kasar Afirka ta Kudu ta bayar, an ce, ran 27 ga wata da daddare, an kai Mr. Mandela wani asibitin da ke babban birnin kasar na siyasa, Pretoria don samar masa jiyya saboda sake tasowar cutar huhu.
Kakakin fadar shugaban kasar Mac Maharaj ya bayyana wa kafofin watsa labarai cewa, lokacin da aka kai Mandela asibiti, yana cikin hayyacinsa.
A halin yanzu dai, ana jiyyarsa da kuma duba lafiyarsa a asibiti, kuma bisa labarin da aka samu, yana samun sauki. (Maryam)
