An ba da labarin cewa, a yayin taron koli da kungiyar tarayyar kasashen Larabawa wato AL ta shirya a wannan mako a birnin Doha na kasar Qatar, an bai wa masu adawa da gwamnatin kasar Sham wakilcin jama'ar kasar, lamarin da ya jawo suka daga kasar Rasha.

Dangane da wannan, a lokacin da Hong Lei, kakakin ma'aikatar harkokin wajen kasar Sin yake amsa tambayoyin manema labaru a nan Beijing a ran 28 ga wata, ya ce, abun gaggawa da za a yi shi ne sa kaimi kan gwamnatin Sham da masu adawa da ita da su yi shawarwarin siyasa da kuma kaddamar da shirin shimfida wani tsarin siyasa na wucin gadi cikin hanzari bisa sanarwar taron ministocin harkokin waje da kungiyar kula da batun Sham ta shirya a birnin Geneva. (Tasallah)