A ranar 28 ga wata, a birnin Durban da ke kasar Afrika ta Kudu, shugaban kasar Sin Xi Jinping ya halarci taron karya kumallo tare da shugabannnin kasashen Afrika.

Shugabanni mahalartan taron sun yi musayar ra'ayi kan inganta hadin gwiwa don samun moriyar juna da sa kaimi ga samun bunkasuwa tare tsakanin kasar Sin da kasashen Afrika.

A ranar 27 ga wata, an yi shawarwari karo na 5 na shugabannin kungiyar BRICS a birnin Durban dake kasar Afrika ta Kudu. Bayan shawarwarin, an yi taron tattaunawa tsakanin shugabannin kungiyar BRICS da na kasashen Afrika, inda shugabanni mahalartan taron suka tattauna batun hadin gwiwa a wajen manyan ababen more rayuwa tsakanin kasashen BRICS da kasashen Afrika.(Bako)