Al-Khatib ya bayyana a shafin Twitter cewa, ya taba yi wa jama'ar Siriya alkawari cewa, idan wasu abubuwan da aka yi sun wuce "iyakar da aka zana", zai yi murabus. Amma bai bayyana hakikanin abun da ya mai da shi yin murabus ba.
Amma duk da haka, Al-Khatib ya bayyana cewa, zai ci gaba da dukufa ka'in da na'in game da batun makomar kasar Siriya, to, sai dai manazarta sun bayyana cewa, dalilin da ya sa Al-Khatib ya yi murabus shi ne kasashen duniya na nuna sakaici game da rikicin zub da jini a kasar Siriya.(Bako)
