Wannan sharhin edita ya ce, a yayin taron, shugabannin jam'iyyar kwaminis ta kasar Sin da na kasar su da mambobi masu ba da shawara sun tattauna harkokin dake shafar yadda za a kara bunkasa kasar Sin, inda mambobi masu ba da shawara na majalisar suka yi kokari sosai wajen tattauna harkokin siyasa da kuma samar da shawarwarinsu don sauke nauyin dake wuyansu.
Wannan sharhin edita ya kara da cewa, shimfida dimokuradiyya tsakanin al'umma yana da muhimmanci matuka ga tsarin gurguzu, kuma muhimmin abu ne da ba za a iya maye shi ba ga tsarin siyasa na kasar Sin. Ko majalisun ba da shawara kan harkokin siyasa za su iya bayar da gudummawarsu a fannonin tattaunawar harkokin siyasa, sa ido ta hanyar dimokuradiyya, tattauna da kuma daidaita batutuwan siyasa ko a'a wannan batu yana da muhimmanci sosai kan yadda ake alamta ingancin tsarin gurguzu na dimokuradiyya. (Sanusi Chen)
