Bisa sabon rahoton nazari kan ma'aunin kwarin gwiwar masu saye-saye (CCI) da aka fitar a ranar Alhamis 28 ga watan Fabrairu, an ce, ma'aunin CCI na babban yankin kasar Sin na bunkasa yadda ya kamata, masu saye-saye suna ci gaba da kasancewa cikin kyakyawan fata.

A kasuwanni 14 da aka yi nazarinsu a yankin Asiya da tekun Pasifik, ma'aunin CCI na babban yankin kasar Sin ya kai matsayi na uku, biye da na kasashen Indiya da Indonesiya.

Rahoton ya ce, bunkasuwar ma'aunin CCI na babban yankin kasar Sin ta bayyana ne a fannoni hudu, wato samun guraben aikin yi, makomar tattalin arziki, kudin shiga, da kuma ingancin rayuwa.(Fatima)