Ran 27 ga wata da safe, babban jirgin ruwa na saukar jiragen sama mallakar kasar Sin, da ake kira LiaoNing, a karon farko ya isa sabuwar tashar da dakarun soja ke aiki, wadda ke birnin Qingdao na lardin Shandong na kasar, lamarin ya tabbatar da iyawar tashar ruwan sojan kasar ta Sin, ta fuskar saukar da babban jirgin ruwa mai saukar jiragen sama.

Gaba daya dai rundunar sojojin ruwan kasar Sin ta shafi shekaru hudu tana aikin gina wannan sabuwar tasha mai saukar babbar jirgin ruwa, wadda ke kunshe da dukkan kayayyakin aiki, ciki hadda ruwa, da wutar lantarki, da iskar gas, da man fetur da dai sauransu. Kuma wannan babban jirgin ruwa na LiaoNing, zai ci gaba da aikin gwaji da na horaswa a tashar.

A ranar 26 ga wata ne dai jirgin na Liaoning, ya tashi daga tashar jirgin ruwa ta kamfanin kirar jiragen ruwa na Dalian, kuma yayin da yake tafe, an yi gwajin naurorin soja a kansa, bisa shirin da aka tsara. (Maryam)