A ranar 17 ga wata, shugabar asusun ba da lamuni na duniya Christine Lagarde ta bayyana cewa, yanzu, tattalin arziki na duniya ya samu kyautatuwa, amma akwai sauran rina a kaba wajen farfado da tattalin arziki na duniya, bai kamata masu tsara manofofi na kasashen duniya su yi sakaci ba, ya zama dole su yi kokari don magance rikicin kudi da ya sake bullowa.

A gun taron manema labaru da aka shirya a wannan rana, Lagarde ta bayyana cewa, sabo da kasashe masu wadata kamar na Turai da Amurka sun dauki kwararan matakai wajen hada-hadar kudia shekarar da ta wuce, abin ya karfafa zukatan jama'a, amma kasashe masu wadata na fuskantar wani kalubale, wato rashin aiwatar da manufa cikin dogon lokaci, musamman ma wajen tsara wani shirin rage yawan bashi cikin matsakaici da dogon lokaci.

Lagarde ta ci gaba da bayyana cewa, an kiyasta cewa, tattalin arzikin kasar Sin zai ci gaba da habaka da sauri, daga raguwar yawan rarar kudin da ta samu wajen cinikin kasashen waje, ana iya gane cewa Sin na daidaita tsarin tattalin arziki ta fuskar kara yawan bukatun ciniki.(Bako)