A ranar 11 ga wata, bisa kididdigar da hukumar kididdiga ta Sin ta bayar, an ce, yawan farashin kayayyakin da jama'ar kasar Sin suka saya wato CPI ya karu da kashi 2.6 cikin 100 a shekarar 2012 idan an kwatanta da na bara waccan, cikin wannan adadi yawan CPI na watan Disambar bara, ya karu da kashi 2.5 cikin 100.

Wata jami'ar da ke aiki a hukumar kididdigar Yu Qiumei ta bayyana cewa, dalilin da ya sanya saurin karuwar CPI a watan Disamban bara, shi ne sabo da farashin abinci ya karu, musamman ma farashin kayan lambu.

Yu Qiumei ta ce, sakamakon yanayin sanyi, da dusar kankara, tare kuma da bikin gargajiya na Sinawa dake karatowa, farashin abinci zai ci gaba da tangal-tangal, amma bayan kammalar bikin, tare da karuwar yanayin zafi, irin wannan hauhawar farashin abinci zai ragu.(Bako)