A yayin wani wasan sada zumunci daya gudana a birnin Sharjah, kulaf din kasar Tunusia ya samu nasara kan takwaran sa na Iran da ci 2 da 1. Tun da fari dai Issam Jemaa, da Fakhreddine Ben Youssef ne suka fara zura kwallaye biyu a ragar kulaf din na Iran, bayan dawowa daga hutun rabin lokaci, kafin daga bisani Younes Mahmoud ya samu farke kwallo daya ta hanyar bugun daga kai sai mai tsaron gida.

Kulab din kasar ta Tunusia dai na da shirin buga karin wasannin 3, na share fagen shiga gasar cin kofin nahiyar Afirka dake tafe nan da 'yan kwanaki, wasannin da aka shirya bugawa a hadaddiyar daular Larabawa ta UAE, wadanda kuma kulaf din ke fatan kammalawa kafin ranar 22 ga watan nan, wato ranar da zata buga wasan farko na cin kofin nahiyar Afirka da kasar Algeria a birnin Rustenburg na Afirka ta kudu.