Wadannan dakarun sun kammala samun horo na tsawon makonni 4 a cibiyar sojan wanzar da zaman lafiya ta Najeriya da ke jihar Kaduna a arewa maso tsakiyar kasar
Kwamandan cibiyar, Manjo-Janar John Zaruwa ya bayyana cewa, shirin horaswar wani bangare ne na kokarin da sojojin ke yi na cusa kwarewa a aikin tura tawagar wanzar da zaman lafiya ta MDD zuwa sassan daban-daban na duniya.
Zaruwa ya shaidawa wadanda suka halarci shirin cewa, dakarun sun samu horon da ya dace ta yadda za su gudanar da ayyukan wanzar da zaman lafiya a yankin Sudan yadda ya kamata.
Dakarun Najeriya dai sun sha taka irin wannan rawa a baya a kasashen Jamhuriyar demokiradiyar Congo, Liberia, Saliyo da kuma Afirka ta kudu. (Ibrahim)
