Jam'iyyar LDP wato Liberal Democratic Party ta lashe zaben 'yan majalisa na ranar Lahadi a kasar Japan bisa babban rinjaye a zauren majalisa da yawan kujeru 294, a cewar wani sakamakon wucin gadi da aka fitar. Babbar kawar jam'iyyar LDP, wato sabuwar jam'iyyar Komeito ta samu kujeru 31.

Shugaban LDP, tsohon faraminista Shinzo Abe, da ya kamata ya zama sabon faraminista ya bayyana cewa, nasarar da jam'iyyarsa ta samu na da nasaba da dalilin gazawar jam'iyyar demokuradiya dake mulkin kasar tun yau da kusan shekaru uku. Wannnan ya sanya mutanen kasar suka bukaci kawo karshen mulkin jam'iyyar demokuradiya domin haka ne suka jefa kuri'ar kin yarda da jam'iyyar a yayin wannan zabe, in ji mista Abe a yayin wani taron menema labarai. (Maman Ada)