An rufe bikin nune-nunen kayayyakin da aka sarrafawa a nahiyar Afirka karo na 4 a birnin Guangzhou a ranar 27 ga wata, inda aka baje kolin nau'o'in kayayyaki daban daban ga mutanen kasar Sin, irin kayayyakin dake dauke da alamar Afirka, da aka kawo daga kasashe fiye da 10, ciki hadda Tanzania, Kenya, Zimbabwe, Afirka ta kudu da sauransu.

Ma'aikatar harkokin ciniki ta kasar Sin ce dai ta dauki bakuncin wannan biki, wanda aka kaddamar da shi a ranar 23 ga wata, kuma burin gudanar da wannan bikin shi ne gabatar wa mutanen kasar Sin kayayyakin gargajiya na kasashen Afirka, taimakawa kamfanonin kasashen Afirka wajen bude kasuwa a kasar Sin, fadada aikin shigar da kayayyaki daga kasashen Afirka zuwa kasar Sin, da kuma sa kaimi ga bunkasuwar cinikayya a tsakanin Sin da kasashe naAfirka. Bugu da kari, ma'aikatar da ta dauki bakuncin bikin ta samarwa kamfanonin kasashen Afirkan shaguna kyauta, ta kuma bada karin gata gare su a fannonin kwastam da yin jingila.

Bisa kididdigar da aka yi, an ce, yawan kudin da aka samu a cinikin dake tsakanin Sin da kasashen Afirka a shekarar 2011 ya kai Dalar Amurka biliyan 166.3, rarar kudin da aka samu a kan cinikin dake tsakanin kasashen Afirka da Sin kuwa ta kai dala biliyan 20.1. (Zainab)