An zabi mambobin kwamitin sulhu 5 da ba na din din din ba a babban taron MDD karo na 67
An zabi kasashe biyar wato Ruwanda, Argentina, Australia, Koriya ta Kuda da kuma Luxembourg a matsayin mambobin kwamitin sulhu na MDD da ba na din din din ba, wadanda za su yi aiki tsakanin shekara ta 2013 zuwa ta 2014 yayin babban taron MDD da aka gudana a ran 18 ga watan nan ta hanyar jefa kuri'un da ba a nuna sunaye ba har sau biyu.
Wadannan kasashen biyar za su karbi jagoranci daga hannayen kasashen Colombia, Jamus, India, Portugal da Afirka ta Kudu kuma za su soma aiki daga ranar 1 ga watan Janairun shekarar 2013 har zuwa ranar 31 ga watan Disamban shekara ta 2014. Sauran mambobin kwamitin sulhu na MDD da ba na din din din ba guda biyar su ne kasashen Azerbaijan, Guatemala, Morocco, Pakistan da Togo wadanda suka samu wannan matsayi cikin shekara ta 2011, kuma wa'adin aikinsu zai kare a kashen shekara ta 2013.(Maryam)
