Bisa rahoton da rundunar ta 'yan sanda ta fitar, a wannan rana da sassafe, wasu mahara da ba a san ko su waye ba, sun shiga unguwar Dogon Dawa wadda ke da tazara da birnin Kaduna, kuma suka bude wuta kan fararen hula dake shirin koma gida bayan kammala salla, wanda sanadin hakan, mutane 20 suka rasa rayukansu.
Daga bisani kuma, wadannan mahara sun kai hari ga unguwar Birnin Gwari dake makwabtaka da Dogon Dawa, suka kuma kwashe dukiyoyi daga gidajen dake wurin, harin da ya sabbaba raunata wasu mutanen dake unguwar. Ya zuwa yanzu dai, ba a iya tabbatar da halin da garin ke ciki ba, musamman ma batun yawan mutanen da suka rasu ko suka jikkata, sakamakon wadannan hare-hare, wasu mutane sun tsira daga wurin daya bayan daya. Amma, rundunar 'yan sandan kasar ta riga ta fara gudanar da bincike kan lamarin.
Haka zalika ya zuwa yanzu, babu wata kungiya ko wani mutum da ya dauki alhakin gudanar da wannan farmaki. (Maryam)
