A zagaye na hudu na farkon gasar la Liga ta Spaniya ta bana, kungiyar Real Madrid wadda ta zama zakara a shekara da ta gabata ta samu maki 4 kawai. Wannan ya kasance mafari mafi muni ga kungiyar a tarihi. Bayan da aka kammala dukkan zagaye hudu na wasannin farko na gasar la Liga, ya zuwa yanzu kungiyar Real Madrid tana bayan Barcelona da maki 8. A gasar la Liga ta shekarar 1995 zuwa 1996, kungiyar Real Madrid ta kasa kasau, a lokacin, kungiyar ta kasance a matsayi na 6 a karshe.

Sergio Ramos, dan wasan kungiyar Real Madrid ya bayyana cewa, mai horas da kungiyar wato José Mourinho ya zargi 'yan wasan kungiyar sosai. Amma a ganinsa, ba ma 'yan wasa ba, dukkan membobin kungiyar Real Madrid ya kamata su dauki alhakin duk wata nasara ko akasin haka a gasar da kungiyar ta bugu. Yanzu ba lokaci ne na yin bincike kan ko wane ne yake da laifi ko a'a, a ranar Talata kungiyar Real Madrid ta kara a gasar kungiyoyin wasan kwallon kafa ta zakarun nahiyar Turai tare da kungiyar Manchester City ta kasar Ingila.

Kana wani jami'in kungiyar Real Madrid ya ce, kungiyar ta sha kashi a wasan da ya gabata ba domin lamarin Cristiano Ronaldo ba. Ya kamata mu ci gaba da yin kokari wajen shiryawa wasannin gaba.(Zainab)