Ranar 16 ga wata, an yi zanga-zanga a birane da dama a kasar Pakistan, domin nuna rashin jin dadi game da film da Amurka ta watsa wanda ke nuna batanci ga manzo Allah Annabi Mohammed (SAW). A birnin Karachi, dubban masu zanga-zanga sun nuna rashin jin dadi a gaban ofishin karamin jakadancin kasar Amurka dake birnin, kuma an samu rikici tsakanin masu zanga-zanga da 'yan sanda, lamarin da ya yi sanadiyyar mutuwar a kalla mutum 1, yayin da fararen hula 19 da'yan sanda 2 suka raunana, kuma an kona babura 3 da lalata motocin 'yan sanda 6. Ban da wannan kuma, an cafke masu zanga-zanga 13.
Bayan abkuwar wannan lamari, gwamnatin kasar Pakistan ta ba da umurni tura jami'an tsaro a wasu yankuna a birnin, ciki har da otel, makarantu, gine-ginen gwamnatin da sauransu.(Amina)
