El Seisy dan shekaru 58 da haihuwa ya taba kasancewa shugaban rundunar sojin dake kula da arewacin kasar sannan daga baya aka nada shi shugaban rundunar masu kula da leken asiri.
El Seisy zai maye gurbin Hussein Tantawi wanda da shi da tsohon babban hafsan sojin jiragen saman kasar Sami Enan aka umurce su da su yi ritaya daga mukaminsu.
Tsohon Alkali Mahmoud Mekki shi aka nada a matsayin Mataimakin Shugaban Kasar.
Hakazalika, Shugaba Morsi ya fitar da amincewarsa ga sabon kundin tsarin mulkin kasa inda ya soke nada da ke matsayi na wucin gadi da sojoji suka fitar a tsakiyar watan Yuni.
A cikin sabon kundin, idan majalissar dokokin wucin gadi ba su iya tsara ayyukansu cikin kwanaki 15 ba, shugaban kasar na iya nada wani sabo da za su iya wakiltar dukkan al'ummomi bayan ya tuntubi jami'iyyun siyasa don shirya wani kundin na sharan fage. (Fatimah Jibril)
